التأملات الروحية والخواطر الفكرية
مع انى بقول بحبك ….
مع اني بقولك بحبك
مش عارف يا رب بقيمتك
ولا مقدر عظمة حبك
وكتير بأجرح وأوجع قلبك
مش عارف بقيمتك
أنت بتحبني لذاتي
وأنا طبعا ماستاهلش
ولو ما لبيتليش طلباتي
على شكرك دايما مقدرش
حتى قدامك في صلاتي
غير في نفسي مابفكرش
بالكلام بأهديك حياتي
وساعة الجد أقول معلش
مانا انسان ليّ ضعفاتي
ابقى سامحني وما تدققش
مش عارف بقيمتك
وفي مرة قعدت اتخيل
فكرة شغلت قلبي وبالي
لو عاملتني زي مابأعمل
كان هيكون ايه ساعتها حالي؟
مش عارف بقيمتك
فرجعت لعقلي وندمت
وعن توهاني وغفلتي تبت
لو في الماضي بيهم عشت
أكيد هأتغير دلوقت
ده كل يوم فيه بعدت
عنك كنت كأني مت
